डोल्पा । हिमाली जिल्ला डोल्पाको ठूलीभेरी नगरपालिका भित्रका विद्यालयहरूमा आइतबार पनि पठनपाठन सञ्चालन हुने भएको छ।

पालिका भित्र रहेका सम्पूर्ण सामुदायिक, निजी तथा धार्मिक विद्यालयहरुमा आइतबार भौतिक उपस्थितिमा नियमित रूपमा पठनपाठन सञ्चालन गर्ने नगर शिक्षा समितिले निर्णय गरेको पालिकाका निमित्त प्रमुख प्रशासकीय अधिकृत डिल प्रसाद रोकायले जानकारी दिए ।

नेपाल सरकारको राजपत्रमा प्रकाशित सूचनाअनुसार हप्तामा दुई दिन (शनिबार र आइतबार) सार्वजनिक बिदा दिने निर्णय कार्यान्वयनका सन्दर्भमा नगर शिक्षा समितिमा भएको छलफलपछि आइतबार पनि विद्यालयहरूमा नियमित रूपमा पठनपाठन सञ्चालन गर्ने निर्णय गरिएको रोकायले जानकारी दिए।

नगर शिक्षा समितिको निर्णयसँगै ठूलीभेरीले पालिका भित्रका सबै सामुदायिक, संस्थागत तथा धार्मिक विद्यालयहरूमा आइतबार समेत नियमित पठनपाठन सञ्चालन गर्न आग्रह गरेको छ ।

पालिकाले वैशाख ८ गतेदेखि ११ गतेसम्म भर्ना अभियान सञ्चालन गरी वैशाख १३ गतेदेखि नै कक्षा सञ्चालन सुरु गर्न सबै विद्यालयहरूलाई निर्देशनात्मक अनुरोध समेत गरेको छ ।

हेर्नुहोस् सूचना